صدفة مچنونة

اتسعت عنيه بزهول وقال ..انتي واضح كده انك مجنونه..عقلك مش تمام..ارجعي بيتكم  ومتتكلميش مع حد هنا  احسنلك

بصتلو بضيق وقالت بسخريه..ايه مش هتقدر ولا ايه

قال بضيق..يا شاطره انتي مش في وعيك امشي من هنا ...خطړ عليكي

البنت قالت بتريقه..اخيييي على كده...رجاله اخر زمن..بقى واحده مزه زيي تتحايل عليك وانت الي مترضاش..لكون معجبتكش

قال بدهشه..لا ده انتي متقله العيار على الاخر 

البنت قالت بسخريه ..امممم..شكلي اخترت الشخص الغلط... عن اذنك

 بص لطيفها باستغراب 
وقف جمبو شاب و قال.. مين البنت الي كانت بتكلمك دي يا عمار

عمار قال باستغراب..مش عارف ياسيف ..بنت غريبه لبسها غريب وكلامها اغرب ..لابسه فستان فرح وقفت جمبي 

سيف قال بزهول..نعم قالت ايه

عمار قال بسخريه..زي ما سمعت..هو انا عرفت ستات شمال بعدد شعر راسي  بس مش للدرجه الصريحه دي

سيف ضحك  

عمار قال..لا يا معلم دي شكلها هربانه من فرحها لسه بالفستان ومفيش حد معاها. 

في واحده من الحواري الفقيره واقفه ست في نص الشارع وبتلطم وبتصوت وبتقول...ياخرااابي يا نعيم يا خړابي البت هربت..هربت وڤضحتنا بقت بجلاااااجل يا لااااااهوي

نعيم قال..با وليه كفايه صويت  حرام عليكي ياصباح  الشويه الي محضروش الفرح عرفتيهم والي شاكك اتأكد

صباح قالت ببكا..وهو فيه حد معرفش كلها عرفت يا مصييييبتي