زهرة الربيع

رجل اعمال بدير شركات العيله ..خدي بالك تمام.... يلا وصلنا
صدفه نزلت واتجمدت مكانها وهيه بتبص للمكان بانبهار القصر والعربيات والحرس حجات مكانتش تشوفها حتي في احلامها
عمار قال..ايه سرحتي في ايه يلا
صدفه قالت..هو انت ساكن هنا ولا بتسرح بيا
عمار قال بضيق..اسرح بيكي..بعد ما ليه ساعه اقولك عدلي كلامك تقوليلي اسرح بيكي..يلا ادخلي هتجلطيني يلا
عمار دخل مع صدفه وكانو عيلتو في الصالون عمار سلم على جده وباس ايده وقال..عامل ايه دلوقتي ياجدي
جاد قال بجمود..انا تمام..خير جاي يومين ورا بعض من امتى بتفتكر جدك
عمار اتنهد وقال..ايه لزمه الكلام ده يا جدي انت عارف انك اغلى حد عندي وبعد بابا الله يرحمو مش باقيلي غيرك

جاد بصلو بدموع وحضنو وقال..وانت روحي..متزعلش مني انا بس كنت شايل منك حبتين
عمار قال ..انا عارف وعلشان كده قررت اراضيك ..وبص لصدفه وقا..تعالي يا صدفه..سلمي على جدي
صدفه قربت وسلمت عليه وقالت..ربنا يديك الصحه يا حج
جاد ابتسم وقال..مين دي يا عمار
عمار بص بطرف عينه لمرات عمه وقال..دي صدفه..مراتي
سوزان شهقت بزهول ووداد شرقت وبقت تكح اما جاد غبصلو باستغراب وقال...مراتك..انت اتجوزت من ورايا..لا واضح اني غالي عندك
عمار ابتسم وقال..انت مش المهم عندك اني اتجوز واستقر..وانا نفذت طلبك واتجوزت وهعيش معاك كمان..وبعدين انت وعدتني ..اني لو وافقت على مبدأ الجواز..يبقى اختار انا العروسه
جاد اتنهد وقال ايوه بس
عمار قال بسرعه..من غير بس..انا اتجوزت صدفه علشان ارضيك انت كمان متضغطش عليا
جاد باس جبينه وقال..انا المهم عندي اشوفك قدامي مستقر واشوف اولادك قبل ما اموت
عمار لسه هيرد صدفه قالت بسرعه..بعيد الشړ ان شالله عدوينك ده انت لسه بدر منور وهنشوفلك عروسه كمان يا حج
عمار بصلها پغضب وجاد ضحك جامد وقال..بابت يا بكاشه..تعالي اقعدي جمب جدك خليني ادردش معاكي شويه
صدفه قعدت جمبو وسوزان جريت على اوضتها پغضب..وامها طلعت وراها
عمار ابتسم بسخريه وفضل باصص لطيفهم پغضب بس فاق على صوت جده بيضحك جامد
عمار قال بابتسامه ..متضحكونا معاكم
جاد قال بضحك..دي مراتك دي بلوه..والله بلوه لو شوفتها وهيه بتقلدك والله شبهك اقويييي ههههه
عمار بصلها بغيظ مكبوت وقال..بتقلدني ..طب وريني كده
صدفه بلعت ريقها پخوف وقالت..ههه لا ده..ده جدو بيبالغ شويه انت احلى طبعا..اه ..انا.. انا هطلع انام شويه وهشوفك تاني يا جدو عن اذنك
جاد قال ..اذنك معاكي يا حببتي
صدفه طلعت وعمار هيطلع راها جاد قال..عمار استني
عند سوزان كانت قاعده في الاوضه پتبكي جامد وجات امها وبقت تخبط عل الباب وقالت..افتحي يا سوزان..افتحي الباب
سوزان قالت ببكا..لا لا مش هفتح..وھموت نفسي انا مش عايزه اعيش اتجوز..اتجوز يا ما ما
وداد قالت ..يا حببتي افتحي وهنتفاهم كل حاجه لها حل
سوزان قالت ببكا..حل ايه تاني انتي لسه بتضحكي عليا ..خلاص عمار اتجوز وجابها قدامي كمان
صدفه كانت عماله تدور وتقول يا ترى اي واحده اوضتو..ازاي قصر طويل كده ومفيش حد اسألو وشافت وداد بتخبط على بنتها اتقدمت عليها وقالت..لو سمحتي يا خالتي متعرفيش اي واحده اوضه عمار
وداد بصت لها بقرف وقالت..خالتك..ههههههههه...والله عمار الفتره دي زوقو بقى غريب وبيئه قوي
صدفه قالت بضيق ...ليه بس الغلط ده
وداد قالت بغيظ وعصبيه....انا اغلط براحتي انتي هتاخدي وتدي معايا لا فوقي لنفسك يا زباله انتي انا مصتنضفش تخدميني حتى اوعي تفتكري علشان اتجوزتي عمار وجابك هنا هتبقى ست بيت لا يا ماما انتي حتت حشره هنا سامعه
صدفه بصت لهابغضب وقالت بردح...نعم ..يا امي...متظبطي الكلام يا وليه..بدال ما امسح بكرامه اهلك القصر كلو
وداد قالت بزهول..وليه..انا يتقالي وليه
صدفه لسه هترد جيه شاب جميل في