اسم على مسمى (اسر وقمر) بقلم حنين محمد

مجرد ما قالتلي الكلام ده بس انا زعقتلها ولازم اروح اصالحها
علشان كده ما ينفعش .....
وراح يدور عليها ما لقتهاش في الصاله 
ولا في المطبخ
هي ماردتش عليه وفضلت مستمره في العياط......
اسر بندم انا اسف يا قمري معلش والله زعلك على عينى معلش بس مجرد الفكره بس عصبتني وماعرفتش اتحكم في اعصابي.......
قمر برضه مستمرة في العياط 
وفضل يطبطب عليها كانها بنته خلاص معلش طب اتكلمي طيب قولي اي حاجه اي كلمه حتى......
قمر بدموع زعلانه منك.....
اسر خلاص معلش يا حبيبتي
والله عمري ماهزعقلك ثاني يا قمري
معلش بقى....
ممكن كفايه دموع ارجوكي...
مش عارف ليه بس صدقيني قلبي بيوجعني لما بشوف دموعك يا قمري 
خلاص بقى يا روحي اهدى....
ومسح لها دموعها ....واكمل وقال 
هو انا بارد و وحش للدرجه دي علشان ازعل القمر ده....
قمر لا انت مش بارد.....
اسر بمشاكسة لا بارد مش زعلتك.....
قمر لا لا انت حلو صدقني....
اسر يعني انتي شايفاني حلو يا قمري......
قمر بتوتر عايزه
انام يا اسر.....
اسر اهربي اهربي لا مش

هتنامي يلا نقوم الاول ناكل علشان انا ما كلتش واكيد انتي كمان ماكلتيش يلا قومي....
قمر اسر عاملالك مفاجاه
اسر قولي يا قمري....
قمر انا خلصت الكورس كله....
اسر بتهزري خلصتيه في شهر ازاي يا بنتي ده بيخلصوه في ثلاث شهور......
قمر بغرور دي قدرات يا باشا.....
اسر فخور بيكي يا روحي طب يلا بقى اجهزي بكره هتروحي تقدمي في الشركه.....
قمر بجد يا اسر .....
اسر بجد يا عيون اسر......
قمر قعدت تتنطط وفرحانه 
وقالت مش مصدقة نفسي......
اسر فرح اوي لما شاف بسمتها وهي فرحانه و مبسوطه كده......
اسر ايه بقى انا عصافير بطني بتصوصو وقطط بطني بتنونو من الجوع.....
قمر بضحك كل ده طب يلا غير هدومك بسرعه عقبال ما احط الغداء......

ودخل غير هدومي واتغدوا واقعدوا اتفرجوا على TV...
على الجانب الاخر.....
لؤي راح يسهر .....
لؤي هالو يا برو.....
هاي يا مان المشروب بتاع كل مره......
لؤي اوف كورس يا مان... 
هو انا ليا غيره بما اني كتكوت ضعيف الجناح......
ضحك وقال هيبقي جاهز فورا....
وقام لؤي يرقص مع الميوزك وهو بيرقص لمح تارا....
لؤي بتفاحئ تارا وفي المكان ده ياترى بتعمل ايه دي هنا وقولت لاسر مليون مره بس هو ولا صدقني ومفكرها محترمه ومتحضرة وتدخل اماكن زي دي لوحدها 
ماشي .....
وراح اتصل على اسر....
لؤي الو يا اسر......
اسر ايه يا لؤي عامل ايه!
ايه الدوشه اللي حواليك دي كلها......
لؤي يا عم بسهر و بفرفش..... بس مش هتصدق بقى وانا بسهر و بفرفش شوفت مين!!
اسر حد من صحابنا يعني!
لؤي لا يا برو حد من معارفك انت.... 
تارا يا مان.....
اسر شاور لقمر انه هيروح يكلم لؤي في البلكونه دخل البلكونه وقال 
لؤي بطل هزارك التافه ده وتارا هتروح اماكن زي دي تعمل ايه يا لؤي !
لؤي والله ماعرفش يا مان ابقى اسالها انت.....
اسر لؤي بطل جنان....
لؤي ثانيه ثانيه ما احنا فيها يلا افتح فيديو كول وانا هجيبهالك وهي على الاستيدج يا مان من غير ما تاخد بالها......
اسر فتح فيديو كول وكذلك لؤي صور تارا....
اسر پصدمة يعني ايه !
لا لا مستحيل....
وبعدين لؤي خرج خالص من المكان وقف بره علشان يعرف يكلم اسر افضل.....
اسر وهو مصډوم ومتعصب جامد لا مستحيل مش معقول يا لؤي....تارا!!!! ...لا لا....
لؤي ياما قولتلك يا صاحبي بس انت اللي ما كنتيش بتصدقني.....
اسر بعصبية انا جاي دلوقتي يا لؤي والله لاوريها الزباله دي......
لؤي اهدي يا صاحبي اهدي ...
طب ما ايه رايك نلعب عليها شويه علشان عادي ممكن تنكر وتقو لك اول مره ومش عارفه مين اللي جابني ولانك بعيد عمي ولانك بتحبها هتقول لك حجج تافهه
وانا واثق انك هتصدقها لانك بتحبها
طب ايه رايك انا هروحلها كده
واجرب اقعد معها واشوف هتعمل ايه!
اسر انت اټجننت يا لؤي....
لؤي يا عم هي جات عليا ما هي قاعده مع كثير واظن شوفتها.......
المهم خليك معايا واسمع الحديث بنفسك.... 
لؤي دخل راح لتارا
لؤي هالو يا تارا.....
تارا پصدمة انت لؤي صاحب اسر بوص بصراحه انا..
لؤي اششش... انتي مش محتاجه تبرري اصلا فكك من كل حاجه.....اسر مين وزفت مين... 
الموسيقي اشتغلت تعالي نرقص....
تارا والله انت شكلك كده فرفوش يا لولي وحلو جامد 
على عكس اسر خنيق يا ساتر.....
تارا بعد ما شربت نفسي اۏلع في البت دي خلاص كدة طفح الكيل 
لؤي قوليلي بقى يا توتي امال انتي مقنعة اسر انك بتحبيه ليه !.... مع انك مش بتحبيه أساسا..... وهو خنيق الصراحة.....
تارا بتوهان والله يا لولي علشان بس هو دكتور في الجامعه وكمان اغيظ صحابي به بلس كده كمان اي حاجه اطلبها منه الاقيها قدامي فمين المجنونه اللي ممكن تسيبه.....
لؤي يعني انتي مابتحبهوش!
تارا بضحك وتوهان احب احب مين ده انسان بارد ده يتحب ده....
طب والله مفيش حد يتحب غيرك يا لولي 
انت اللي تتحب......
لؤي قلب لولي....طب يلا اطير انا بقي.....
تارا رايح فين يا لولي بس..... بس هيشغلو ميوزك تانية حلوة جدا....
لؤي معلش يا توتي عليا شغل الصبح يلا تاك كير يا تارا ...
تارا يو تو يا قلب تارا....
ومشي وبعدين كلم ا سر اللي كان سامع كل الكلام ده
لؤي الو اسر انت معايا اسر....
اسر بحزن خانتني يا لؤي خانتني و كانت بتكذب عليا طب ليه عملت كده ليه....!
لؤي انا حذرتك مليون مره يا اسر بس انت اللي اصريت قولتلك يا اسر ما بتحبكش
وحتى انت مش بتحبها دور حواليك يا اسر هتلاقي اللي بتحبها اللي وقت ضعفك هي الوحيدة اللي تروح لها واللي بتتعامل معها من غير ما تفكر تبان اتيكيت ولا حاجه بتتعامل بروحك.....طبعا كان يقصد قمر بالكلام ده 
اسر ماشي يا لؤي باي اقفل دلوقتي......
لؤي اسر انت كويس!
اسر اكيد يا لؤي عمري ما هزعل على واحده خائڼه لؤي سلام......
لؤي سلام.... ولؤي اقفل و
محاولش معه
لانه عارف ان قمر معاه 
واكيد لو شافته متضايق هتبقى معاه.....
اسر قفل وفضل قاعد في البلكونه بيبص بس للفراغ 
قمر لقيت اسر غاب دخلت تشوفه لقيته قاعد في البلكونه وباصص للسما 
اسر....
اسر اول ما سمع صوتها لف
قمر بقلق طبطبت عليه اسر حبيبي في ايه روحي انت مالك!
اسر مبيتكلمش وبس... 
اسر ولاول مرة اساسا دموعه تنزل حس بالامان والراحة 
قمر بقلق اكثر اسر حبيبي انت بټعيط ليه يا روحي ...
اسر ما تقلقنيش عليك ارجوك وقولي في ايه!
لا رد من اسر ......
قمر عيطت علي دموع اسر....
اسر طب انتي بټعيطي ليه دلوقتي!
قمر علشان انت بټعيط و انا اول مره اشوفك كده 
قولي في ايه مالك!
اسر وهو وقال 
لا ما فيش يا روحي بس حصل مشاكل كده في الشغل وخاېف كل حاجه انا بنيتها تتهد......
قمر وهي تربت على ظهره ما تخافش يا روحي صدقني ربنا عمره ما هيضيع تعبك السنين اللي فاتت دي انا واثقه ربنا عمره ما يعملك حاجه وحشه و اوعي تنسى ان ربنا قال سبحانه وتعالي 
وما ربك بظلام للعبيد 
اسر كلامك ريحني قوي يا قمري ربنا يخليكي ليا يا روحي.....
قمر بابتسامة ويخليك ليا...
وبعدين دخلو نامو..
جاء صباح اليوم التالي
قمر صحيت وبعدين صحيت اسر وراحت تحضر الفطار كالعاده وفطروا 
واسر اخذ اجازه من الجامعه لانه هيبقى مع قمر 
وهي رايحه تقدم في الشركه
وقمر لبست بيزك دريس ابيض 
و بليزر اسود 
وهيلز سوداء وطرحه بيضاء 
واسر لبس بدله كحلي
وراحوا وطبعا طول الطريق قمر متوتره جدا
واسر عمال يهدي فيها
لحد ما وصلوا للشركه 
ودخلت وعملت الانترفيو 
وبعدين نزلت لقيت اسر مستنيها في العربيه
ها يا قمري.....
قمر الحمد لله قالوا هيبعتوا الرد النهارده بالليل.....
اسر ما تخافيش يا روحي انا واثق فيكي
وبعدين وصلها البيت 
وهو راح المستشفى 
ودخل وبعدين لؤي جاله وقعدوا اتكلموا مع بعض....
لؤي عشان تعرف بس يا برو قيمتي في حياتك.....
اسر بحزن عندك حق ربنا يخليك ليا.....
لؤي خلاص يا عم انا بفرفشك يا مان بقى......
اسر لا انا مش زعلان اساسا انا فعلا عمري ماحبيتها....
لؤي اخيرا يا اخويا فهمت.....
اسر ايوه يا لؤي انت قولتلي يا لؤي عن الحب حاجات كثيره قوي والحاجات دي كلها لقيتها مع حد واحد بس قمر يا لؤي.....
اسر لا لسه يا لؤي مستني بس هي تبقى مستقلة علشان لما اقولها بحبك ما تبقاش عايزه تفضل معايا علشان ماعندهاش حد لا تبقي عايزه تبقى معايا علشان بتحبني ان شاء الله تتقبل في الشغل زي ما حكيت لك وبعدين اقدر اقولها.....
لؤي ربنا يسعدك يا صاحبي يلا اطير انا بقى عشان ورايا مرضي.....
اسر ماشي يا اخويا روح ....
وخرج لؤي واسر رجع راسه لوراء وابتسم لما افتكر قمر وبعدين فكر يتصل بها اتصل بها الو يا قمري....
قمر ايه يا اسر....
اسر مش عارف يقول ايه قوليلي يا قمري عاملالي اكل ايه النهارده يا روحي!
قمر عامله مكرونه وبانيه ايه رايك!
اسر اي حاجه من ايديكي حلوه يا روحي مادام قمري هي اللي عاملاها.....
قمر تسلملي يا اسر قدامك كثير على ما تيجي.....
اسر يعني ساعتين بالكثير و هبقى عندك يا روحي ثم اكمل بمشاكسه ايه وحشتك يا قمري.....
قمر ها.... لا.... قصدي يعني بسال بس علشان ناكل...
اسر بقى بتساليني راجع امتى علشان ناكل انتي فصيله يا قمر يلا سلام....
قمر قفلت معاه وهي بتضحك طب والله مچنون....
وبعدين اسر خلص شغل ورجع البيت 
وهو راجع فكر يجيب هديه لقمر.... 
عدي على محل
وجاب سلسله حلوة اوي لقمر
واخذها ورجع البيت 
وبعدين فتح الباب 
ودخل لقي قمر بترص الاكل على السفره
و لابسه بيجامه ستان بيضاء لايقه مع لون بشرتها وتركت لشعرها العنان 
سرح فيها شويه اول ما شافها لحد ما فاق من شروده لما هي بدات تحرك ايديها قدام عينيه وبتقول 
اسر سرحان في ايه!
اسر فيكي....
قمر سكتت وراحت تكمل رص السفره
واسر راح غير هدومه
وراح يقعد على السفره وبداو يتغدوا......
قمر اسر.....
اسر عيونه....
قمر بصراحه كده اتصلوا بيا من الشركه علشان يبلغوني ردهم!!
اسر ها يا قمري قالولك ايه !
قمر ملامحها اتحولت الحزن.....
اسر بحب خلاص يا قمري مش مهم نشوف شركه ثانيه وثالثه ورابعه انا معاكي يا روحي....
قمر ضحكت ضحكت عليك طبعا وافقوا وهبدا الشغل من بكرة..
اسر بقى كده يا قمر يا بنت ام قمر 
مش هاسيبك النهارده بس نخلص اكل بس....
قمر ماتبقاش قفوش بقى وتزمق يا جوزي اياك.....
اسر اوعي على الجامد لما يقلب صعيدي
بضعف انا قدام الصعيدي ده.......
قمر يا ابني دي قدرات احنا نقدر نتكلم لغات كثير على فكره بس عايشين في البلد دي عادي.....
اسر اوعى يا عم المتواضع انت ....مبروك يا روحي....
قمر الله يبارك فيك يا حبيبي كل ده بسببك اساسا.....
اسر مش بسببي لا بسببك انتي 
انتي
اللي انسانه مجتهده